Orlofshús BSRB í Munaðarnesi

Nú er Birkihlíðin komin í útleigu eingöngu fyrir félagsmenn aðildarfélagana innan BSRB. Félagsmenn TFÍ geta haft beint samband við skrifstofu BSRB ef áhugi er á.

Birkihlíð er orlofshús á tveimur hæðum sem staðsett er í Munaðarnesi í Borgarfirðinum um 20 km fyrir utan Borgarnes skammt frá Bifröst. Húsið var allt tekið í gegn fyrir sumarið 2014 og er það nú búið veglegum sólpalli sem nær í kringum þrjár hliðar hússins. Þar er einnig heitur pottur og fallegt útsýni yfir Norðurá. Á efri hæð hússins er samliggjandi stofa og borðstofa þaðan sem opið er inn í eldhús. Á hæðinni er einnig stórt svefnherbergi með hjónarúmi auk lítils salernis. Á neðri hæð hússins er sjónvarpskrókur með svefnsófa auk tveggja svefnherbergja með aðskildum rúmum. Þar er einnig stórt baðherbergi með þvottavél og sturtu. Af neðri hæðinni er hægt að ganga út á pallinn þar sem heiti potturinn er ásamt gasgrilli. Birkihlíð hefur því svefnaðstöðu fyrir átta fullorðna auk þess sem þar er rimlarúm fyrir börn.

Í orlofshúsabyggðinni í Munaðarnesi er leikvöllur fyrir börn, gervigrasvöllur til knattspyrnuiðkunar, míní golfvöllur og margar fallegar gönguleiðir. Stutt er í sundlaugina að Varmalandi, golfvöllinn Glanna auk þess sem hægt er að komast í veiði víða í næsta nágrenni.

Bókanir og frekari upplýsingar um útleigu hússins eru veittar á skrifstofu BSRB í síma 525 8300 eða á netfangið asthildur@bsrb.is